The Dark Side of the Moon

The Dark Side of the Moon
Datos
Tipu	Álbum d'estudiu
Distribución	LP (es) y streaming de música (es)
Álbum	Pink Floyd's albums in chronological order (en) y Pink Floyd studio albums discography (en)
Intérprete	Pink Floyd
Idioma	inglés
Xéneru	rock progresivu
Sellu discográficu	Harvest Records (es)
Productor	Pink Floyd
Fecha publicación	1r marzu 1973[1]
Duración	42:59
Núm. cantares	10 pista musical (es)

The Dark Side of the Moon –n'español: «La cara oculta de la Lluna»– ye un álbum conceptual, l'octavu d'estudiu de la banda británica de rock progresivu Pink Floyd. Foi llanzáu'l 1 de marzu de 1973 n'Estaos Xuníos y el 24 de marzu del mesmu añu nel Reinu Xuníu.

L'álbum ta construyíu a partir de les idees que Pink Floyd esplorara nos sos conciertos y anteriores grabaciones, pero escarez de les llargues pieces instrumentales que caracterizaben a los trabayos posteriores a la marcha en 1968 del so miembru fundador, principal compositor y lletrista, Syd Barrett.^[3] La temática del álbum inclúi'l conflictu, l'avaricia, l'avieyamientu y la enfermedá mental, esta última tema inspirada en parte pol deterioru mental de Barrett.^[3]

L'álbum desenvolvióse como parte d'una futura xira de la banda, estrenándose en direutu varios meses primero que siquier empezaren les grabaciones nel estudiu.^[4] El nuevu material foise refinando a midida que avanzaba la xira, y foi grabáu en dos sesiones en 1972 y 1973 nos Abbey Road Studios de Londres.^[5] Pink Floyd usó dalgunes de les téuniques de grabación más avanzaes de la dómina, incluyendo grabaciones multipista y loops.^[6] En delles de les pistes usáronse sintetizadores analóxicos, ente que una serie d'entrevistes cola banda y l'equipu téunicu apaecen a lo llargo del álbum en forma de cites filosófiques. Alan Parsons foi'l responsable de dalgunos de los aspeutos sónicos más innovadores del álbum, incluyendo la interpretación non léxica de Clare Torry.

Un masivu ésitu comercial, l'álbum llegó lo más alto de la llista Billboard 200 mientres una selmana.^[7] y permaneció nes llistes 889 selmanes (más de 17 años), siendo asina l'álbum que más tiempu permaneció en llistes de la historia.^[8] Con una estimación de ventes de 45 millones de copies,^[9] ye unu de los álbumes con mayores ventes del mundu y el más esitosu de Pink Floyd. Foi remasterizado y reeditáu en dos causes, amás de ser versionado per delles bandes. Del álbum estrayxeron dos senciellos: «Money» y «Us and Them».

Amás del so ésitu comercial, The Dark Side of the Moon foi altamente aclamáu pola crítica y ta consideráu un trabayu seminal na historia del rock, con munches llistes y rankings considerándolo ente los meyores álbumes de tolos tiempos y sigue siendo l'álbum más popular de la banda tantu ente los sos siguidores y como cola crítica especializada.^[10]

1. ↑ Afirmao en: Google Freebase Data Dump. Editorial: Google.
2. ↑ Erlewine, Stephen Thomas. «The Dark Side of The Moon». allmusic. Consultáu'l 7/03/08.
3. ↑ ^{3,0 3,1} . Eagle Rock Entertainment (26 d'agostu de 2003).
4. ↑ Error de cita: La etiqueta <ref> nun ye válida; nun se conseñó testu pa les referencies nomaes Estrenu
5. ↑ Error de cita: La etiqueta <ref> nun ye válida; nun se conseñó testu pa les referencies nomaes Grabación
6. ↑ Error de cita: La etiqueta <ref> nun ye válida; nun se conseñó testu pa les referencies nomaes Harrispp101102
7. ↑ Error de cita: La etiqueta <ref> nun ye válida; nun se conseñó testu pa les referencies nomaes shakers
8. ↑ Error de cita: La etiqueta <ref> nun ye válida; nun se conseñó testu pa les referencies nomaes Billboard en selmanes
9. ↑ Pink Floyd, 'The Dark Side of the Moon' At 40: Classic Track-By-Track Review. Billboard. http://www.billboard.com/articles/review/1552399/pink-floyd-the-dark-side-of-the-moon-at-40-classic-track-by-track-review. Consultáu'l 9 d'ochobre de 2016. 
10. ↑ Erlewine, Stephen Thomas. «The Dark Side of the Moon review». Allmusic. All Media Guide, LLC. Consultáu'l 23 d'avientu de 2006.